Veiðikortið

01. apr. 2008

Meðalfellsvatn í Kjós komið á kortið!

                                                                          Reykjavík, 1. apríl 2008

Búið er að semja um að Meðalfellsvatn í Kjós verði innan vébanda Veiðikortsins, en veiði hefst í vatninu 1. apríl 2008.

Meðalfellsvatn er kærkomin viðbót við þau rúmlega 30 veiðivötn sem fyrir eru í Veiðikortinu, en vatnið er í tæplega 50 km fjarlægð frá Reykjavík.  Meðalfellsvatn er eitt vinsælasta veiðivatnið í nágrenni við höfuðborgina.  Í vatninu er mikið af bleikju og urriða.  Þegar líða tekur á sumar veiðist þar einnig lax og sjóbirtingur.  Nánari upplýsingar um vatnið verða birtar á www.veidikortid.is á næstu dögum.

Ekki er búið að ganga frá því hvar menn skrá sig þegar menn hefja veiðar.  Það verður kynnt nánar á vef Veiðikortsins.  Þar til skráingarferlið verður komið á hreint eru Veiðikortshafar beðnir um að vera með Veiðikortið á sér þegar veiðivörður vitjar veiðimanna.  Einnig eru veiðimenn hvattir til að skila veiðiskýrslu með tölvupósti (veidikortid@veidikortid.is), en hana má nálgast á vef Veiðikortsins, www.veidikortid.is.  Einnig er hægt að skoða þar önnur vötn sem í boði eru sem og skoða vefútgáfu af bæklingi Veiðikortsins, lesa fréttir og spjalla um vatnasvæðin.

Veiðikortið fæst á bensínstöðvum N1, veiðivöruverslunum sem og á vefnum www.veidikortid.is .

Hér fyrir neðan má sjá þau vötn og vatnsvæði sem í boði eru fyrir Veiðikortshafa sumarið 2008 og opnunartíma þeirra.

Séð yfir Meðalfellsvatn. Í forgrunni er Sandsá en í baksýn er Hvalfjörður og enn fjær sér til Snæfellsjökuls.  Mynd Eiríkur St. Eiríksson.