Veiðikortið

30. apr. 2008

Veiðimöguleikar 1. maí

Þar sem það er búið að vera mjög kalt vor víða um land eru ennþá nokkur vötn sem eru illveiðanlega. Hraunsfjarðarvatn og Baulárvallavatn eru t.d. ísilögð. 

Við heyrðum í Tryggva veiðiverði í Hraunsfirði og talaði hann um að veiðin væri búin að vera nokkuð góð og betri en í fyrra.   Hins vegar er Hraunsfjarðar- og Baulárvallavatn ísilagt.

Ekkert hefur heyrst af mönnum sem hafa þjófstartað í Þingvallavatni eins og oft hefur verið á vorin, en búast má við að margir leggi leið sína þangað á morgun.  Einnig er rétt að benda á spennandi valkost sem vestubakki Úlfljótsvatns er.  

Meðalfellsvatn hefur einnig verið að gefa mjög góða veiði, eins og lesa hefur mátt á spjallsíðum veiðimanna. 

Fyrir norðan er ennþá harðavetur og ekki auðvelt að fara langt austur fyrir land á sumardekkjum þannig að mesta álagið verður sennilegast í vötnunum á suðvesturhorninu. 

Góða skemmtun á morgun 1. maí.

Mk,

Veiðikortið.