Veiðikortið

18. ágú. 2009

Aukin veiðivarsla í Hraunsfirði

Á vef SVFR má lesa frétt um að félagið hafið aukið veiðivörslu í Hraunsfirði sökum frétta um veiðiþjófnað og brot á veiðireglum síðustu daga og vikur.

Hægt er að lesa fréttina í heild sinni á vef SVFR.IS  

Vonandi verður hert veiðivarsla til þess að gengið verði betur um svæðið og að veiðimenn fari eftir settum reglum.

Einnig hvetjum við veiðimenn til að skella sér í Hraunsfjörðinn og upplifa fegurðina í firðinum.  Bleikjutorfur eru farnar að sjást synda um fjörðinn og eiga þær til í að koma mjög nálægt landi.  Oft reynist vel að egna fyrir þeim með þurrflugu sérstaklega þegar þær eru í uppítöku.  Hér fyrir neðan má sjá nokkrar myndir úr firðinum sem voru teknar um síðustu helgi og sýnir að fegurðin þarna er ekki við stífluna, heldur inn í firðinum.

Berserkjahraunið getur verið erfitt yfirferðar þannig að það borgar sig að fylgja gönguslóðum ætli menn að veiða í hrauninu, en þar eru mjög fallegir veiðistaðir.

Fínar bleikjur eru í Hraunsfirði.  Þessar voru í stórri torfu sem syntu inn í víkina.  Tóku þurrflugu með hvítri "fallhlíf"

Mk,

Veiðikortið