Veiðikortið

26. okt. 2009

Sauðlauksdalsvatn - nýtt vatn í Veiðikortið 2010

Búið er að semja við Stangaveiðifélag Patreksfjarðar um að Sauðlauksdalsvatn, sem er þekkt fyrir fallega fiska og gylltar strendur verði í Veiðikortinu 2010.

Þetta er klárlega góðar fréttir fyrir þá sem ætla að ferðast á Vesturlandi næsta sumar, en fyrir eru Vatnsdalsvatn og Syðridalsvatn á þessum slóðum.  Í vatninu er falleg bleikja auk þess sem urriðinn getur orðið mjög stór og eru dæmi um allt að 16 punda urriða sem veiðst hefur á stöng í vatninu.  Vatnið hefur sérstöðu hvað varðar sandinn sem umlykur vatnið, en þar er sandurinn gylltur rétt eins og maður sé kominn erlendis.´

Hér má sjá nokkrar myndir sem fengnar eru af heimasíðu Stangaveiðifélags Patreksfjarðar http://svfp.123.is/ 

Gaman væri að fá fleiri myndir frá vatninu ef einhver skyldi luma á myndum þaðan í safni sínu.  Netfangið er veidikortid@veidikortid.is

Með bestu kveðju,

Veiðikortið.