Veiðikortið

30. apr. 2010

Vötnin að opna 1. maí - ágætis veðurspá.

Á morgun, 1. maí opna flest vötnin í Veiðikortinu, en í þeim hópi eru vinsæl veiðivötn eins og t.d. Þingvallavatn, Úlfljótsvatn, Ljósavatn fyrir norðan og Melrakkaslétta svo dæmi séu tekin.  Sjá listann hér fyrir neðan.  Einnig bendum við á samantektarlistann sem notandi Veiðikortsins tók saman öðrum til fróðleiks og þæginda.  Þann lista er hægt að nálgast hér.

Við treystum á að veiðimenn sendi okkur pistil um stöðu mála á morgun, en gaman væri að fá bæði myndir og fréttir af aflabrögðum á netfangið veidikortid@veidikortid.is.  Einnig viljum við tækifærið og minna menn á að aðeins er heimilt að veiða á flugu, maðk og spún í Þingvallavatn, Úlfjótsvatni, Kleifarvatni, Meðalfellsvatni og flestum öðrum vötnum.

Einnig má nefna að 1. apríl hófst veiði í Vífilsstaðavatni, Hraunsfirði, Þórisstaðavatni og Meðalfellsvatni svo dæmi séu tekin. 

Rob með fallegan urriða sem hann veiddi í júní í fyrra.

Úlfljótsvatn er einnig mjög spennandi kostur til að kíkjá á 1. maí, en allur vesturbakkinn er inn í Veiðikortinu, að undanskildum skika við virkjanirnar á báðum endum sem og á skátasvæðinu sjálfu.  Mjög skemmtilegt svæði er t.d. rétt fyrir ofan kirkjuna sem og fyrir neðan skátasvæðið.

Ljósavatn í Ljósavatnsskarði fyrir norðan.

Góða skemmtun og gleðilegt veiðisumar!

Hér fyrir neðan má sjá töflu yfir opnunartíma vatnanna.