Veiðikortið

15. jún. 2010

Laxá í Mývatnssveit - sértilboð fyrir Veiðikortshafa

Veiðikortshöfðum býðst nú að kaupa ýmis veiðileyfi á sérstöku tilboðsverði.  Um er að ræða sérvalin veiðileyfi sem miða að því að hægt sé að kaupa einn dag í einu án þess að þurfa að kaupa gistingu eða fæði í veiðihúsum. 

Við ríðum á vaðið með nokkrum dögum í hinni margrómuðu Laxá í Mývatnssveit, en um er að ræða eitt fallegasta og besta urriðasvæði í heimi.  Aðeins er heimilt að veiða á flugu á svæðinu.  Þetta er frábær kostur fyrir þá sem ætla að ferðast eitthvað um norðulandið í sumar.  Þess má geta að Ljósavatn og Kringluvatn eru þarna í nágrenninu.

Í Laxá í Mývatnssveit er hægt að veiða jafnt í straumhörðum strengjum sem og litlu og hægu vatni, en urriðinn er mjög dreifður um svæðið.  Smelltu á myndina til að skoða fleiri myndir.

Hér má sjá þá daga sem eru í boði til að byrja með. Ef undirtektir verða góðar munum við halda áfram að semja um veiðileyfi fyrir Veiðikortshafa en með því að kaupa pakka af álitlegum veiðileyfum getum við boðið leyfin á þessum frábæru kjörum.

Hér fyrir neðan má sjá þá daga sem í boði eru í Laxá í Mývatnssveit eins og er.  Til að kaupa dag þarf að velja viðeigandi ramma hér fyrir neðan, eða fara á tilboðssíðu (sjá flipa efst til vinstri á forsíðu)

Um er að ræða sértilboð fyrir handhafa Veiðikortsins.

Með von um góðar undirtektir.

Veiðikortið