Veiðikortið

08. ágú. 2010

Miklir þurrkar!

Miklir þurrkað hafa herjað á landann síðustu vikur.  Verst hafa þessir þurrkað bitnað á laxagengd í ár, en einnig eru dæmi um að vatnyfirborð hefur lækkað mikið í mörgum vötnum.

Eitt besta dæmið sem má nefna er í Hítarvatni, en þar hætti að renna úr vatninu á tímabili.  Það hefur ekki gerst svo lengi sem elstu menn munu.  Þessir þurrkar hafa þó ekki bitnað á silungsveiðinni, en ágæt veiði hefur verið í Hítarvatni þrátt fyrir þurrka.

Veiðimaður með hann á í Hítarvatni.

Í Úlfljótsvatni og Þingvallavatni hafa menn verið að fá eitthvað af bleikju auk þess sem Kleifarvatn hefur verið að gefa vel á kvöldin. 

Séð niður að víkinni við Úlfljótsvatnskirkju.

Í Meðalfellsvatni hefur verið að veiðast talsvert af laxi og má gera ráð fyrir að margir laxar hafi nú þegar gengið upp í vatn.

Mynd frá Meðalfellsvatni að vori.

Af öðrum stöðum höfum við ekki fengið miklar fréttir og hvetjum við veiðimenn til að senda okkur nýjar upplýsingar varðandi aflabrögð í vötnunum.

Í Hraunsfirði hafa menn verið að fá einn og einn lax.  Ekki virðist vera komin mikil bleikja í lónið.  Eitthvað hefur borið á því að menn hafi verið að "húkka"  laxa af stíflunni, og er það að sjálfsögðu stranglega bannað.  Við hvetjum veiðimenn til að virða veiðimörk, en bannað er að veiða 20m frá útfalli. 

Veiðimaður í Hraunsfirði.

Með veiðikveðju,

Veiðikortið