30. ágú. 2011
Hlíðarvatn í Selvogi - Opið hús sunnudaginn 4. september
OPIÐ HÚS Í HLÍÐARVATNI Í SELVOGI !
Sunnudaginn 4. September n.k. býðst lítið og óvönum veiðimönnum að koma í Hlíðarvatn í Selvogi og renna fyrir silung í boði veiðiréttarhafa. Á staðnum verða vanir veiðimenn frá stangaveiðifélögunum við vatnið sem gefa munu góð ráð og tilsögn.
Hlíðarvatn er ákaflega gjöfult bleikjuvatn i aðeins 45 mín. fjarlægð frá Hafnarfirði, ekið sem leið liggur fram hjá Kleifarvatni til Krýsuvíkur og svo austur á bóginn í átt til Þorlákshafnar. Bleikjan í Hlíðarvatni er annálaður matfiskur en einungis má veiða á spún eða flugu, beita er bönnuð.
Ungir veiðimenn sérstaklega velkomnir og foreldrarnir að sjálfsögðu með.
Stangaveiðifélag Hafnarfjarðar, Ármenn og Stangaveiðifélag Selfoss selja t.d. leyfi í vatnið og hægt er að kynna sér vatnið betur á heimasíðum þeirra.
Sjóbleikjur úr Hlíðarvatni
Með veiðikveðju,
Veiðikortið