Veiðikortið

Miðvikudaginn 28. mars opnaði Veiðibóka- og DVD markaður í Veiðivon, Mörkinni 6. Þar kennir ýmissa grasa og leynast á borðunum bæði nýjar og gamlar bækur og DVD myndir. Á markaðinn kom góð sending af fornbókum frá fornbókaverslun í Reykjavík og strax fyrsta daginn seldist stór hluti þeirra. Enn er þó til upprunalegt eintak af bók R.N. Stewart „Rivers of Iceland" á ensku, gefin út árið 1950 sem var þýdd og gefin út á íslensku nú fyrir jólin. Sú kostar kr. 9.600,- og er hinn mesti safngripur.

En það eru líka DVD myndir á markaðnum og þar má nefna veiðiþættina Veitt með vinum og Með öngulinn í rassinum ásamt nýjust bók og DVD mynd þeirra Gunnars og Ása Helgasona, Leitin að stórlaxinum. Þar eru líka gamlar myndir sem búið er að færa af VHS yfir á DVD. Sem dæmi má nefna myndbönd um Laxá í Dölum, Kjós og Vatnsdalsá. Eigum von á að fá mynd um Elliðaárnar á næstu dögum.

Þar sem markaðsstemmning er yfir vötnum var ákveðið að draga fram hinar ýmsu veiðivörur og fatnað og setja á sérstakt tilboð. Á meðan markaðurinn stendur yfir eru öllum boðið að koma með sínar gömlu veiðibækur og selja á markaðnum en frekari upplýsingar um hvernig best er að bera sig að við það fást í Veiðivon, Mörkinni 6.

Markaðurinn mun vera opinn til og með 21. Apríl og alla virka daga frá kl. 11 – 18.

Með kveðju,

Veiðivon, Mörkinni 6

Sími: 568 7090