Fréttir
20. jún. 2009
Nú eru vötnin heldur betur lifnuð við.  Margir hafa lagt leið sína í vötnin síðustu daga og er bleikjan farin að taka við sér.  Eitthvað er ennþá að veiðast í vötnunum af urriða, þrátt fyrir að það hafi heldur dregið úr því.  Menn hafa verið að fá fallega urriða í Úlfljótsvatni og Þingvallavatni svo dæmi séu tekin.  Nú er bleikjan að taka völdin!
Úlfljótsvatn:
Ríkarður Hjálmarsson og sonur hans Jón Hugi áttu eftirminnilegan dag í Úlfljótsvatni 17. júní, en Jón Hugi, ungur og efnilegur veiðimaður hefur verið að æfa sig í fluguveiði upp á síðkastið og er greinilega genginn á bragðið.  Nú vill hann bara veiða á flugu, enda landaði hann nokkrum fallegum bleikjum á sjálfan þjóðhátíðardaginn.  Hér koma nokkrar myndir:
 
Jón Hugi með eina á í Úlfljótsvatni 17. júní.
 
 
 
 
Nóg var að bleikjunni 17. júní. 
 
Fallegar bleikjur úr Kirkjuvíkinni.
 
Þingvallavatn:
Lárus skellti sér í Þingvallavatnið þann 11. júní og veiddi milli klukkan 19-22.  Hann fékk tvær fallegar bleikjur, stærri bleikjuna u.þ.b. 3 pund veiddi hann á á fluguna Ölmu Rún og minni bleikjuna á stærri flugu sem er eftirlíking af kuðung.  Þessar flugur er hægt að fá í öllum veiðivöruverslunum.
 
Falleg kvöldveiði hjá Lárusi í Þingvallavatni 11. júnií 2009.
 
 
Jón Viktor fékk þennan fallega 9 punda urriða í Þingvallavatni 12. júní á Íslandsspúninn.

Jón Viktor skákmeistari, er líka öflugur veiðimaður og krækti í þenna 9 punda urriða í Þingvallavatni 12. júní.
 
 
Hraunsfjörður:
Margir hafa lagt leið sína í Hraunsfjörð og þar iðar allt af lífi.  Síðustu daga komst reyndar upp um veiðimenn sem höfðu lagt net í Hraunsfjörður og var lögreglu tilkynnt um verknaðinn.  Veiðimenn voru ekki á staðnum, en málið er í skoðun.  
Anna Margrét fór á húsbílnum sínum (Veiðiskreppi)og veiddi nokkrar bleikjur í fallegu veðri.  Ekki leiðinlegt að eiga veiðihús á hjólum og geta flakkað á milli veiðivatna og haft það notarlegt.  Hér koma nokkrar myndir sem Anna Margrét sendi okkur
 
 
 
 
 
Flotti matfiskar!
 
 
Fallegt í Hraunsfirði.
 
Við þökkum veiðimönnum kærlega fyrir myndirnar og hvetjum enn og aftur veiðimenn til að senda okkur veiðiskýrslur sem og myndir eða fréttir af veiði.
 
Bestu kveðjur og góða helgi!
Veiðikortið

Fréttasafn

Veldu ár: