Fréttir
Maí 2019
Laxárvatn á Laxárdalsheiði er komið aftur í Veiðikortið eftir nokkura ára hlé. Árni Kristinn Skúlason og Ragnar Ingi Danner kíktu í vatnið í kuldanum í morgun. Þrátt fyrir kulda, frosnar lykkjur og fleira, þá kom vatnið þeim verulega á óvart.

Hlíðarvatn í Hnappadal – nýtt í Veiðikortinu 2019

Það er okkur sönn ánægja að kynna Hlíðarvatn í Hnappadal í landi Hraunholta sem nýtt vatn í Veiðikortinu. Veiðikortshafa geta því strax nýtt sér vatnið þrátt fyrir að það sé ekki í bæklingnum sem fylgir Veiðikortinu. Upplýsingasíðan fyrir vatnið er í vinnslu og verður tilbúin fljótlega en hér má sjá upplýsingar um vatnið.

Lesa meira...

Apríl 2019

Það er ánægjulegt þegar fjölskyldan fer saman í veiði og nýtur þess að vera út í náttúrunni og renna fyrir silung.

Lesa meira...

Kleifarvatn geymir mikið af rígvænum urriðum sem og bleikju. Miroslav Sapina kíkti þangað í fyrradag (27.4) og fékk einn verulega vænan urriða í vatninu sem var 86 cm að lengd og 18 pund að þyngd! Fiskurinn hjá honum tók 28 gr Toby spún.

 

Nú hefur veiðin farið vel af stað í flestum vötnunum. Við heyrðum í veiðimanni áðan sem staddur er í þjóðgarðinum og var hann búinn að fá eina 48 cm bleikju og tjáði okkur að það væri mikið af bleikju að vaka sem eru mjög góðar fréttir þar sem hún virðist vera snemma á ferðinni.

 

Mk,

Veiðikortið

 

Frábært veður og hörku veiði í vötnunum! Veiðimenn eru að fá hann í þjóðgarðinum á Þingvöllum, Hraunsfirði, Meðalfellsvatni og Elliðavatni.

Í Elliðavatni hafa ekki bara verið að gefa flotta urriða en Pawel Domitrz fékk 57 cm bleikju þar 25. apríl. Davið Jaronsson fékk einnig 52 cm urriða auk þess sem hann veiddi vel í Meðalfellsvatni.

Atli Bergmann fékk fínan urriða við Vatnskotið á Þingvöllum í gærkvöldi auk þess sem veiðimenn hafa verið að gera fína veiði þar síðustu daga og núna í morgun. Cezary hefur heldur betur veitt vel í þjóðgarðinum þar sem af er tímabils, en á einni viku hefur hann fengið 27 urriða og margir þeirra rígvænir og meðal annars 90 cm fiska eins og sjá má á myndinni hér fyrir neðan.

 

Flott veður og vötnin svo sannarlega tekið við sér þannig að það er um að gera að njóta blíðunnar og skella sér í veiðitúr!

 


Cezary með einn af 27 fiskum sem hann hefur fengið í þjóðgarðinum. 
Þessi fiskur er um 20 pund og 90 cm.

 

 


Pawel með fallega 57 cm bleikju sem hann fékk á hvítan spún.

 


David Jaronsson með fallegan urriða úr Elliðavatni.

 


Atli Bergmann með flottan urriða úr Vatnskotinu í gærkvöldi!

 

 

 

 

Með veiðikveðju,

Veiðikortið 

Það var gott veður í dag þrátt fyrir að það hafi verið vindasamt í morgunsárið.

Margir veiðimenn litu við og fengu fína veiði.

Lesa meira...

Það má með sanni segja að urriðinn sé mættur í þjóðgarðinn á Þingvöllum. Cezary Fijalkowski er búinn að vera við veiðar þar í dag og gengið mjög vel.  Við höfum einnig heyrt af góðri veiði á öðrum svæðum og því má ætla að urriðinn sé kominn á góða hreyfingu í vatninu.

Lesa meira...

í dag, 20. apríl hefst formlega veiði í þjóðgarðinum á Þingvöllum. Veiðin hefur farið vel af stað á öðrum svæðum í Þingvallavatni sem hafa þegar opnað fyrir veiði þannig að við vonum það besta.

Við minnum á að fyrir landi þjóðgarðsins má aðeins veiða með flugu og öllum urriða skal sleppt aftur, en það gildir frá 20. apríl - 1. júní.

Góða skemmtun og endilega sendið okkur upplýsingar um gang mála á This email address is being protected from spambots. You need JavaScript enabled to view it.

 


Hér er Rasmus Ovesen með fallegan urriða frá opnunardeginum 2015, en þá var keimlíkt veður og spáin segir til um í dag.
Þessi mynd er tekin við Leirutá í Lambhaga.

Með kveðju,

Veiðikortið

Fréttasafn

Veldu ár: