Fréttir
Maí 2014

VIð heyrðum í veiðimanni sem átti leið um Hraunsfjörðinn í gær en hann var því miður ekki með veiðistöngina við höndina þar sem lónið kraumaði af bleikju.  Bleikjan var mikið að sýna sig í yfirborðinu þannig.  Komandi dagar eru vænlegir í Hraunsfirði en maímánuður gefur iðulega góða veiði.

Lesa meira...

Apríl 2014

Það lítur út fyrir að veiðin í þjóðgarðinum á Þingvöllum hafi aldrei byrjað betur.  Veiðimenn hafa síðust daga verið að setja í, landa og sleppa gríðarlegum fjölda af stórurriðum.  

Um helgina er búið að veiðast mjög vel.  Hér fyrir neðan koma nokkrar myndir af fiskum og veiðimönnum.

Lesa meira...

Með hækkandi hitastigi hefur Vífilsstaðavatn tekið við sér.  Veiðimenn hafa verið að gera fína veiði og segja að bleikjan sé í góðum holdum og stærri en oft áður.  Það er gaman að veiða í Vífilsstaðavatni og oft tekur bleikjan rétt við landið.  Mörgum hefur reynst vel að notast við tökuvara og draga hægt þar sem bleikjan tekur mjög grannt.

Lesa meira...

Það er búið að vera ótrúlega góður gangur við Þingvallavatn, en svo virðist sem nýr opnunartíma sé að hitta í mark.  Urriðinn er mættur og er hann að veiðast mjög vel og þá sérstaklega á kvöldin.  Helstu flugurnar sem hafa verið að virka eru hvítar straumflugur eins og Hvítur Nobbler og Black Ghost.

Lesa meira...

Það var fallegt við Elliðavatnið í morgun og hitinn var kominn í 7° strax um kl. 7.  Það var skýjað og gekk á með skúrum. Nokkrir veiðimenn voru mættir snemma en þegar leið á morguninn bættist í hópinn.  

Lesa meira...

Sumardagurinn fyrsti er á morgun, 24. apríl.  Þá opnar Elliðavatnið en margir veiðimenn bíða spenntir eftir þeim degi enda byrja margir veiðimenn ekki að veiðitímabilið fyrr en þá.  Allt útlit er fyrir að veðrið verði gott og hlýrra heldur en var í fyrra, en þá fraus í lykkjum veiðamanna fyrst um morguninn.
 
Þrátt fyrir það var fallegt veður í fyrra þegar Elliðavatnið opnaði.  Það var frekar kalt í dag og það fraus í lykkjum á veiðistöngum veiðimanna fyrst um morguninn en stilla og fallegt veður. Það voru margir veiðimenn sem mættu í vatnið þrátt fyrir kuldann.  Menn voru í raun ekki að veiða mikið en það komu þó nokkrir fallegir fiskar á land. 

Lesa meira...

Þingvallanefnd ákvað að breyta reglum um Þingvallavatn fyrir veiðitímabilið 2014 og opnaði það 20. apríl í staðinn fyrir 1. maí áður.  Einnig er rétt að benda á að sleppiskylda er á öllum veiddum urriða til og með 31. maí og á þessu tímabili má aðeins veiða með flugu.  Frá og með 1. júní er heimilt að veiða á flugu, maðk og spún.

Veiðin í vatninu fer ágætlega af stað þrátt fyrir kulda og höfum við frétta af nokkrum urriðum sem hafa komið á land og gott er að vita af því að þeir fiskar eru ennþá í vatninu, því þeim var sleppt aftur eins og nýjar reglur við vatnið gera ráð fyrir.

Lesa meira...

Þingvallavatn fyrir landi þjóðgarðsins opnar formlega á morgun 20. apríl, en hann ber upp á Páskadegi.  Síðustu ár hefur svæðið opnað 1. maí en nú var tekin ákvörðun um að flýta opnun.  Veðurspáin mætti vera betri en veðurspáin gerir ráð fyrir að lofthiti verði rétt yfir frostmarki og væntanlega einhver gola. Það kemur eflaust ekki í veg fyrir að urriðinn verði á sveimi.

Lesa meira...

Fréttasafn

Veldu ár: