Fréttir
Júní 2012
20. jún. 2012
 
Héðan og þaðan - veisla í vötnunum
Skagaheiðin hefur verið að gefa vel í sumar og fór Lárus Óskar ásamt þremur veiðifélögum sínum, Magga, Sigurgeir og Arnari, á heiðina 15-17. júní og fengu frábæra veiði.  Þeiru hirtu 88 fiska og slepptu um 20 fiskum.  Flestir fiskanna fengust í Ölvesvatninu og notuðu þeir aðallega flugurnar Pheasant tail, Watson Fancy og Rauðan Nobbler.  Hér fyrir neðan má sjá nokkrar myndir frá þeim félögum.

Lesa meira...

Ómar Smári Óttarsson átti skemmtilegan dag í Hraunsfirði þann 9. júní.  Hann fékk 6 fallegar bleikjur og hann tjáði okkur að það væri mikið af bleikju í firðinum.  Laxinn var aðeins farinn að ganga en ekki í miklu mæli.

Lesa meira...

Það er fátt betra en að njóta lífsins út í náttúrunni.  Rögnvaldur Rögvaldsson skaust á Þingvelli ásamt syni sínum.  Eftir vel heppnaðar stundir í vatninu og eftir að þeir höfðu fengið nokkrar fallegar bleikjur fannst syninum alveg tilvalið að leggja sig um stund á bakkanum.  Það er nákvæmlega þetta frelsi í bland við íslenska náttúru sem gerir vatnaveiðina að sælustund.

Lesa meira...

Einar Guðnason, kenndur við Fluguveiðiskólann Veiðiheim, skaust á Þingvelli fyrir nokkrum dögum ásamt félaga sínum og fengu þeir nokkrar fallegar bleikjur.   Þær voru ekki mældar né viktaðar en eins og sjá má á myndunum eru þetta stórglæsilegar bleikjur.

Lesa meira...

Maí 2012
Við höfum fengið margar fréttir af veiðimönnum síðustu daga og má segja að veðrið síðustu daga hafi haft góð áhrif á lífríki vatnanna og er fiskurinn því farinn að taka sæmilega vel. 
Þingvellir:
Bleikjan hefur verið að sýna sig síðustu daga og margir fengið fína veiði og er bleikjan mjög væn eins og algent er fyrrihluta sumars.  Þórir Grétar fékk t.d. glæsilega 2kg bleikju þar í gærkvöldi. 

Lesa meira...

Við höfum fengið fregnar af veiði af hinum ýmsu stöðum og hér eru nokkrir punktar úr flestum landshlutum.
Síðast vika hefur verið frekar köld og engin hitamet fallið.  Þrátt fyrir það hafa veiðimenn verið að ná í einn og einn fisk í vötnunum. 
Það var aftur á móti fínasta veður við Vífilsstaðavatn í dag þegar Veiðibúðin Hrygnan hélt kynningu þar á veiðistöngum og bauð upp á grill.  Feðgarnir Haraldur og sonur hans Daníel Gunnsteinn voru að ljúka veiðum um kl. 13.00 og fengu þeir 7 fínar bleikjur.  Sérstaklega gaman að sjá þegar ungir veiðimenn hafa tekið ástfóstri við veiðarnar, en Daníel sem er að verða 16 ára og fer reglulega að veiða með föður sínum og virðist ekki gefa honum neitt eftir.

Lesa meira...

Það er búið að vera mikið um fallega fiska í þjóðgarðinum síðustu daga.  Við höfum heyrt að tugum fallegra urriða sem hafa veiðst þrátt fyrir að kuldinn hafi verið að hrella veiðimenn þegar líða tekur á daginn.
Mikal Wajtas kom til landsins ásamt félaga sínum gagngert til að veiða urriða í Þingvallavatni og þeir félagar fengu marga fallega fiska þá daga sem þeir voru við veiðar.  Einn fiskur stendur þó framar öðrum sem þeir fengu en hann vóg 9,2 kg!  Sannkallaður risaurriði sem fékk að synda áfram sína leið eftir baráttuna. 

Lesa meira...

Fréttasafn

Veldu ár: