Fréttir
Apríl 2015

Á morgun 15. apríl hefst veiði í Kleifarvatni á Reykjanesi. Vatnið hefur ekki verið mikið stundað síðustu tvö ár en veiðimenn hafa verið að gera ágætis veiði þar þrátt fyrir það. Vonandi er stofninn að eflast í vatninu og verður spennandi að fylgjast með veiðinni þar í sumar.

Lesa meira...

Það var virkilega kalt þegar veiðitímabilið byrjaði formlega. Óvenju fáir voru mættir í morgunsárið við Vífilsstaðavatn enda má segja að það hafi verið óveiðandi sökum kulda. Veiðimenn reyndu þó aðeins og sömu sögu má segja frá Meðalfellsvatni þar sem vatnið var nánast ísilegt að undanskildu smá svæði við Sandá.

Lesa meira...

Mars 2015

Nú lifnar yfir veiðimönnum enda alltaf fagnaðefni þegar veiðitímabilið hefst formlega.

Lesa meira...

Hans Bock er hollenskur fluguveiðimaður, fluguhnýtari, veiðiblaðamaður og rithöfundur sem hefur ferðast vítt og breitt um heiminn með flugustöngina að vopni.  Hans rekur fluguveiðiskóla í Hollandi og hefur sent frá sér mikið af kennslumyndböndum, bæði varðandi fluguhnýtingar og fluguveiði almennt.  

Lesa meira...

Febrúar 2015
Nú er sá tími runninn upp að veiðimenn eru farnir að iða enda stutt í að vorveiðin hefjist.  Birtan eykst með degi hverjum og veiðimenn farnir að yfirfara veiðibúnaðinn og fylla á fluguboxinn fyrir sumarið. Við heyrðum í Kristjáni Friðrikssyni hjá www.fos.is (Flugur og skröksögur) en hann heldur úti öflugum vef fyrir fluguveiðimenn þar sem er að finna gríðarlegt magn upplýsinga, jafnt um flugur, veiðiaðferðir, hnúta og fleira sem við kemur veiðinni auk þess sem þar má finna tengla í flottustu veiðimagasínin sem finnast á netinu.  Hér fyrir neðan kemur smá pistill sem hann setti saman fyrir okkur.  Við vekjum sérstaka athygli á skemmtilegum viðburði á Facebook sem hann stendur fyrir sem kallast Febrúarflugur.

Lesa meira...

Desember 2014

Við óskum veiðimönnum nær og fjær sem og landsmönnum öllum gleðilegra jóla og farsældar á komandi ári!

Lesa meira...

Stundum er gott að geta skoðað Veiðikortsbæklinginn á vefnum því oft er bæklingurinn sjálfur ekki við höndina þegar á þarf að halda. 
Hægt er að skoða vefútgáfu af Veiðikortsbæklingnum með því að velja flýtileið á forsíðunni.  Einnig er hægt að prenta valdar síður fyrir þá sem t.d. tapa sínum bæklingi eða finna ekki rétt fyrir veiðiferð.

Lesa meira...

Nóvember 2014
Veiðikortið 2015
Veiðikortið 2015 er væntanlegt úr prentun í næstu viku þannig að dreifing á því ætti að geta hafist í kringum 5-8. desember þannig að enginn fari nú í jólaköttin!
 
Aldrei hafa fleiri vatnasvæði verið i boði en fyrir komandi tímabil og munu korthafar geta veitt í 38 vatnasvæðum vítt og breitt um landið.

Lesa meira...

Fréttasafn

Veldu ár: