Veiðikortið

Um Veiðikortið

Um Veiðikortið

Veiðikortið er að hefja sitt sjöunda starfsár. Allt frá fyrsta degi hefur Veiðikortinu verið mjög vel tekið og þessum frábærum viðtökum má þakka það að hægt hefur verið að auka framboðið jafnt og þétt.

Veiðikortið er mjög hagkvæmur valkostur sem hentar jafnt veiðimönnum sem fjölskyldufólki. Með Veiðikortið í vasanum er hægt að veiða nær ótakmarkað í rúmlega 35 veiðivötnum víðsvegar um landið sem og tjalda endurgjaldslaust við mörg þeirra.

Nú gefst fólki loksins kostur á að stoppa við falleg vötn, í skemmri eða lengri tíma, án þess að þurfa að eyða miklum tíma í að finna út hvert á að fara til að kaupa veiðileyfi, eða hvort það sé fiskur í vatninu og þar fram eftir götum.

Með kortinu fylgir veglegur bæklingur og í honum eru lýsingar á veiðisvæðunum, reglur, kort og myndir. Í fyrsta sinn núna eru grunnupplýsingar á ensku í bæklingnum. Allur texti í bæklingi má finna á www.veidikortid.is bæði á íslensku og ensku.

Við viljum hvetja þig til að nota vefinn www.veidikortid.is bæði til skoðanaskipta og til að lesa nýjustu fréttirnar hverju sinni sem tengjast Veiðikortinu. Einnig er gagnlegt og gaman fyrir notendur Veiðikortsins að deila upplýsingum á spjallinu sem er inni á vefnum. Einnig eru veiðisögur og myndir vel þegnar. Netfang Veiðikortsins er veidikortid@veidikortid.is

Þessa dagana er verið að semja um ný vatnasvæði sem verða kynnt síðar.

Almennar reglur

Veiðikortið er stílað á einn einstakling og þurfa korthafar að merkja kortið með kennitölu sinni í þar til gerðan reit. Þegar skráning fer fram hjá landeiganda eða veiðiverði ber að sýna Veiðikortið og persónuskilríki eða samkvæmt reglum í bæklingi. Veiðimenn hvattir til að ganga vel um veiðisvæðin og skilja ekki eftir sig rusl eða önnur ummerki.

Kortið gildir fyrir einn fullorðinn og börn yngri en 14 ára í fylgd með korthafa. Eiganda kortsins ber að merkja kortið á bakhlið með kennitölu sinni.

Veiðimönnum ber að virða þær reglur sem kynntar eru á upplýsingasíðum vatnanna, en mismunandi reglur geta gilt á milli vatnasvæðanna.

Hægt er að kaupa Veiðikortið 2010 á næstu N1-stöð, veiðivöruverslunum um land allt og víðar.

Með veiðikveðju,

Veiðikortið

Vatnasvæðin sem í boði verða í Veiðikortinu 2011 eru m.a.:

1	Arnarvatn á Melrakkasléttu
2	Baulárvallavatn
3	Haugatjarnir Skriðdal
4	Haukadalsvatn í landi Vatns
5	Hítarvatn á Mýrum
6	Hópið
7	Hraunhafnarvatn á Melrakkasléttu
8	Hraunsfjarðarvatn
9	Hraunsfjörður
10	Kleifarvatn á Reykjanesi
11	Kleifarvatn í Breiðdal
12	Kringluvatn
13	Langavatn í Borgarfirði
14	Ljósavatn
15	Meðalfellsvatn í Kjós
16	Mjóavatn í Breiðdal
17	Skriðuvatn í Suðurdal
18	Skriðuvatn í Suðurdal
19	Sléttuhlíðarvatn í landi Hrauns
20	Svínavatn
21	Syðridalsvatn
22	Sænautavatn
23	Urriðavatn
24	Úlfljótsvatn að vestanverðu.
25	Vatnasvæði Selár (Ölvesvatn)
26	Vatnsdalsvatn
27	Vífilsstaðavatn
28	Víkurflóð
29	Þingvallavatn - þjóðgarður
30	Þórisstaðavatn
31	Þveit í landi Stórulág.
32	Æðarvatn á Melrakkasléttu